Каталіцкія вернікі Талачына адзначылі Вербную нядзелю
Сонечнае надвор’е спрыяла добраму настрою каталіцкіх вернікаў, якія прыйшлі святкаваць Вербную нядзелю.
Менавіта з гэтага дня пачынаецца Вялікі тыдзень, на працягу якога вернікі будуць перажываць разам з Хрыстом прабывання ў вязніцы, аскаржэнне яго, смяртэльныя мукі Яго на крыжы. За гэты час кожны веруючы чалавек зноў і зноў звярнуцца да свайго сэрца, запытваючы, ці жыву я згодна Божых запаведзяў?
У гэты святы дзень, як і два тысячагоддзі таму, калі людзі ўпрыгожанымі галінкамі пальмы сустракалі Езуса Хрыста ў Ерузалеме, каб выканаць волю Бога і выратаваць чалавецтва праз смерць на крыжы, так і зноў хрысціяне сабраліся каб адзначыць гэту знамянальную падзею. Адбылося асвячэнне вербаў перад уваходам у касцёл і пасля чытання Евангелля ад св. Лукі ў храме адбылася ўрачыстая Імша. Праз тыдзень вернікі будуць святкаваць Уваскрашэнне Хрыста.
Каталіцкія вернікі Талачына адзначылі Вербную нядзелю,