Сёння ў Коханаўскай СШ адчынены STEM-клас (+фота)
Свята апошняга званка ў Коханаўскай сярэдняй школе імя І. П. Кожара атрымалася адметным, асабліва прыемным: пасля заканчэння развітальнай лінейкі тут адбылося ўрачыстае адкрыццё STEM-цэнтра (або, па-іншаму, STEM-класа, класа робататэхнікі). Падобныя цэнтры на працягу апошніх гадоў былі створаны пад эгідай Парка высокіх тэхналогій у многіх школах Беларусі з мэтай забеспячэння ўмоў для развіцця здольнасцей вучняў, схільных да тэхнічнай творчасці і дакладных навук (расшыфроўка абрэвіятуры STEM у перакладзе з англійскай мовы — «навука, тэхналогіі, інжынерыя, матэматыка»).
У цырымоніі адкрыцця прынялі ўдзел намеснік старшыні райвыканкама, дэпутат абласнога Савета дэпутатаў Іна Галубкова, педагогі школы і юныя тэхнічныя творцы — навучэнцы, якія захапляюцца Scratch-праграмаваннем і робататэхнікай. Падрабязнасці — у газеце за сераду, 1 чэрвеня.
