Кірмаш у Талачыне (+ фота, відэа)
Вітаючы ўсіх, хто прыйшоў і прыехаў сёння ў цэнтр Талачына, каб прыняць удзел у кірмашы ў якасці пакупніка ці прадаўца, намеснік старшыні райвыканкама Віктар Альхімовіч заклікаў не надта засмучацца з прычыны дажджлівага надвор’я: «Затое будуць лепш расці грыбы», — падбадзёрыў Віктар Анатольевіч.
Асартыментам кірмаш парадаваў: сельскагаспадарчыя і перапрацоўчыя прадпрыемствы, прадпрымальнікі, фермеры і іншыя суб’екты гаспадарання прапанавалі збожжа, садавіну і агародніну, саджанцы, мяса і жывую рыбу, кандытарскія вырабы, прамысловыя тавары (адзенне, абутак).
Традыцыйна былі вызначаны і ўзнагароджаны падарункамі сельгаспрадпрыемствы, якія найбольш творча аформілі свае гандлёвыя месцы. Сёлета прызёрамі сталі ААТ «Слаўнае» (работнікі гаспадаркі ўпрыгожылі свае аўтамабілі рознакаляровымі надзіманымі шарамі), УП «Рыдамльскі» (стварылі фотазону з саламянымі скульптурамі), ААТ «Талачынскі райаграсэрвіс» (у нацыянальных і стылізаваных пад афарбоўку каровы касцюмах заваблівалі публіку танцамі і блінамі). Дарэчы, «Рыдамльскі» апынуўся ў ліку ўзнагароджаных за крэатыў другі год запар.
Сяргей АБРАМОВІЧ.