У Талачыне прайшоў канцэрт да Дня пажылых людзей (+фота, відэа)
Сёння ў Талачынскім раённым Цэнтры культуры і народнай творчасці адбылося святочнае мерапрыемства з нагоды Дня пажылых людзей.
Актыўнымі ўдзельнікамі канцэртнай праграмы сталі самі грамадзяне пенсійнага ўзросту. У прыватнасці, сваімі нумарамі гледачоў парадавалі хор народнага клуба «Ветэран» пры РЦКіНТ пад кіраўніцтвам Вольгі Клячко і харэаграфічны калектыў Таццяны Спаткай «Другое дыханне».
У пачатку мерапрыемства гледачоў прывітала і павіншавала са святам старшыня раённага Савета ветэранаў Вера Антонава, а бліжэй да заканчэння слова ўзяла загадчыца натарыяльнай канторы Талачынскага раёна Святлана Ярковіч, якая, дарэчы, прыйшла не з пустымі рукамі: ад імя натарыяльнай канторы раёна і Віцебскай абласной натарыяльнай палаты Святлана Анатольеўна ўручыла кіраўніку клуба «Ветэран» Таццяне Жарабцовай сертыфікат на бясплатныя кансультацыі на працягу года — цяпер сертыфікатам могуць карыстацца ўсе ўдзельнікі гэтага калектыву.
Сяргей АБРАМОВІЧ.