За Беларусь! Стартавала датэрміновае галасаванне
Сёння роўна ў 10 гадзін пачалося датэрміновае галасаванне ў раёне на ўчастках па выбарах Прэзідэнта Рэспублікі Беларусь.
На ўчастак №1 г. Талачына адной з першых аддаць свой голас прыйшла Герой Сацыялістычнай Працы Лідзія Андрэеўна Навумава.
— Я прымаю ўдзел у выбарах з 1952 года. У той год актыўна разносіла запрашэнні жыхарам вуліцы Гогаля. За многія пражытыя гады я не прапусціла ніводных выбараў. Лічу гэта грамадзянскім абавязкам кожнага чалавека і прашу ўсіх жыхароў раёна з’явіцца на выбарчыя ўчасткі і прыняць удзел у галасаванні па выбарах Прэзідэнта нашай краіны. Свой выбар я ўжо зрабіла. Галасую за мірнае неба над Беларуссю. Бо маё пакаленне, чыё дзяцінства прыйшлося на гады ваеннага ліхалецця, цэніць мірнае жыццё. Таго, што адбываецца ў братняй Украіне, мы ўжо не перанясём. Кожны павінен узважана аддаць свой голас. Бо мы, выбіраючы Прэзідэнта, галасуем за Беларусь, за яе будучыню.
