Летняя занятасць: Ілья Конышаў спецыяльнасць атрымаў у коханаўскім ліцэі, працу знайшоў на льнозаводзе
Упершыню Ілья Конышаў (жыве ён у Коханаве) уладкаваўся на перыяд канікулаў на льнозавод два гады таму. Сёлета будзе працаваць тут ужо ў трэці раз.
Пачынаючы супрацоўніцтва з прадпрыемствам, яшчэ не мог кіраваць тэхнікаю, цяпер жа, з’яўляючыся навучэнцам коханаўскага ліцэя і атрымаўшы адпаведныя правы, будзе прымаць удзел ва ўборцы трасты ў ролі механізатара. У гэтыя дні ён разам з усімі займаецца падрыхтоўкаю тэхнікі.
Успамінаючы свой першы прыход на завод, тлумачыць: проста ведаў ад мясцовых жыхароў, што сюды ўладкоўваюцца на сезонныя работы многія людзі, у тым ліку і навучэнская моладзь, і сам вырашыў паспрабаваць. Цяпер не шкадуе, бо мае магчымасць праводзіць час прыемна і з карысцю — прымяняць на практыцы і паглыбляць веды, атрыманыя ў ліцэі, удасканальваць уменні, узбагачаць вопыт і, канечне ж, зарабляць.
Сяргей АБРАМОВІЧ.