Ад добрага абеду і настрой у працы добры
Сорак гадоў грамадскаму харчаванню аддала Тамара Васільеўна Саіпава. Рабіла поварам у рэстаранах Расіі, Казахстана, у лагеры адпачынку “Ніва” і некаторых школах нашага раёна. У гэтым годзе яе папрасілі гатаваць абеды для работнікаў ААТ “Каралькі” падчас палявых работ.
Напарніцай у яе Валянціна Васільеўна Лісоўская. У гаспадарцы яна рабіла больш за трыццаць гадоў — была дыспетчарам, загадвала жывёлагадоўчай фермай, адказвала за кадравую службу. Зараз на заслужаным адпачынку, але пяты сезон працуе поварам у сталовай сельгаспрадпрыемства.
Сёлета жанчыны кормяць два разы на дзень больш за трыццаць чалавек — механізатараў, пастухоў і г. д. Тамара і Валянціна пераканаліся, ад прыгатаванага імі якаснага абеду залежаць добры настрой і натхненне ў рабоце працаўнікоў палёў і фермаў.
Марыя ХМЯЛЮК.
НА ЗДЫМКУ: Тамара Саіпава (злева) і Валянціна Лісоўская.