Лідар аператыўнага спаборніцтва — Людміла Буракова з ААТ «Коханава-Агра»
Аператарам машыннага даення Людміла Буракова працуе даўно, ужо няма былых дробных гаспадарак («Калінавы лог» і інш.), з якімі звязаны папярэднія старонкі яе прафесійнай біяграфіі.
Сёння Людміле Аляксандраўне давераны 75 дойных кароў на ферме «Перавалачная» ААТ «Коханава-Агра». За красавік ад гэтай групы жывёлы вопытнай работніцы ўдалося атрымаць сярэдні надой у аб’ёме 541 кілаграм на галаву, што стала самым высокім паказчыкам у раённым аператыўным спаборніцтве сярод аператараў машыннага даення.
13 мая пераможца прымала віншаванні з дасягненнем ад старшыні райкама прафсаюза работнікаў АПК Таццяны Пільшчыкавай: падарунак лідару спаборніцтва, традыцыйны салодкі пачастунак для ўсяго калектыву фермы і цёплыя словы, пажаданні далейшых поспехаў.