Пляжы Талачына і Коханава рыхтуюцца да купальнага сезона (+відэа)
З сённяшняга дня ў Коханаве на беразе Сакалянкі пачаў працаваць пост Таварыства выратавання на водах, а ў Талачыне (рэчка Рагачоўка, недалёка ад крухмальнага цэха кансервавага завода) ён функцыянуе ўжо з 15 мая.
Купальны сезон, паведаміў кіраўнік раённай структуры таварыства Аляксей Пучэнка, афіцыйна адкрыецца 1 чэрвеня. У цяперашні час тэмпература вады, як і паветра, нізкая — загараць і купацца немагчыма. На пляжах ажыццяўляецца навядзенне парадку: персанал выратавальных пастоў фарбуе абсталяванне, размяшчае наглядную агітацыю, а сёння вадалазы Аршанскай выратавальнай станцыі абследавалі дно вадаёмаў у зоне талачынскага і коханаўскага пляжаў, ачысцілі яго ад прадметаў, якія маглі б траўмаваць людзей.
Аляксей Пучэнка заклікае ўсіх выконваць на вадаёмах правілы бяспекі, купацца толькі ў прызначаных для гэтага спецыяльна абсталяваных месцах (у нашым раёне гэта вышэйзгаданыя пляжы на Рагачоўцы і Сакалянцы).
Падрабязнасці — у адным з бліжэйшых нумароў газеты. А ў роліку на нашым ютуб-канале глядзіце эпізоды работы вадалазаў.
Сяргей АБРАМОВІЧ.