Школьнікам Талачынскага раёна растлумачылі, як атрымаць вышэйшую адукацыю аграпрамысловага профілю (+ відэа)
Сёння на базе Талачынскай СШ № 3 прайшло прафарыентацыйнае мерапрыемства для навучэнцаў школ раёна — аграсубота «Прафесіі аграпрамысловай вытворчасці».
З навучэнцамі гарадскіх школ №1 і №3, Коханаўскай і Славенскай СШ сустрэліся метадыст аддзела па адукацыі райвыканкама Галіна Разведчыкава, дырэктар ААТ «Друцк-Агра» Яўген Кандратовіч, старшы выкладчык кафедры сельгасмашын Беларускага дзяржаўнага аграрнага тэхнічнага ўніверсітэта Дзмітрый Пражэнік, старшы выкладчык кафедры маркетынгу Беларускай дзяржаўнай ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчай акадэміі Святлана Арцёменка.
Госці расказалі школьнікам пра асаблівасці працы ў сельскагаспадарчай сферы на сучасным этапе і пра магчымасці атрымання адпаведных прафесій у вышэйшых навучальных установах. Фрагменты мерапрыемства — у відэароліку, іншыя падрабязнасці — у газеце на наступным тыдні.
Сяргей АБРАМОВІЧ.