У Талачыне адбылося ўшанаванне работнікаў сельскай гаспадаркі і перапрацоўчай прамысловасці (+фота, відэа)
Сёння на базе раённага Цэнтра культуры і народнай творчасці адбылося ўрачыстае мерапрыемства з нагоды набліжэння Дня работнікаў сельскай гаспадаркі і перапрацоўчай прамысловасці аграпрамысловага комплексу (будзе адзначацца заўтра). Перадавікі сельгасвытворчасці прымалі віншаванні і ўзнагароды за свае дасягненні, за ўклад у забеспячэнне харчовай бяспекі краіны.
У мерапрыемстве прынялі ўдзел намеснік старшыні Віцебскага аблвыканкама Уладзімір Белавус, старшыня Талачынскага райвыканкама Алег Лындзін, першы намеснік старшыні райвыканкама, начальнік райсельгасхарча Алег Данчанка, старшыня раённага Савета дэпутатаў Георгій Мурашка, былыя старшыні райвыканкама Аляксандр Марэйка і Аляксей Гарнак, благачынны цэркваў Талачынскага раёна Аляксандр Лазука, кіраўнікі, спецыялісты, работнікі сельскагаспадарчых і перапрацоўчых прадпрыемстваў, ветэраны сельгасвытворчасці і маладыя спецыялісты.
Да пачатку афіцыйнай часткі мерапрыемства філіял «Талачынскія сыры» Аршанскага МКК і Талачынскі кансервавы завод правялі ў фае Цэнтра культуры дэгустацыю сваёй прадукцыі. А паміж сельгаспрадпрыемствамі адбыўся конкурс караваяў, якія гаспадаркі прывезлі з сабою на свята.
Культурна-забаўляльную частку праграмы забяспечылі творчыя калектывы і салісты Цэнтра культуры, Талачынскай і Коханаўскай дзіцячых школ мастацтваў, раённы Дом рамёстваў.
Падрабязнасці – у газеце на наступным тыдні. Эпізоды свята – у відэароліку.
Сяргей АБРАМОВІЧ.
