Каталіцкія вернікі адзначылі Вялікдзень
Вось і прыйшоў сонечны і радасны дзень, да якого каталіцкія вернікі рыхтаваліся працяглы час. Вялікі пост — гэта не толькі адказ ад некаторых страў, але перш за ўсё — духоўнае ачышчэнне. Яны разам з Хрыстом шлі крыжовым шляхам, цярпелі пакуты на крыжы, выражалі боль і смутак песнямі жальбы. У Вялікую суботу адбылося благаслаўленне пасхальныя страў.
Вечарам працэсія вышла на двор, дзе ксёндз Станіслаў Скрыдалевіч запаліў ад асвечана вогнішча свечку пасхал, якая сімвалізуе Уваскрослага Хрыста. Ад пасхала вернікі запальвалі свечкі, якія прынеслі з сабой. Працэсія ўвайшла ў касцёл і цемра знікла ад запаленага святла! Яно — сімвал надзеі, якую Хрыстус падараваў чалавецтву праз сваю смерць на крыжы, узяўшы на сябе грахі людзей.
У гэтыя мінуты ўрачыстага богаслужэння кожны з прысутных адчуў лагоднае пранікненне Хрыста ў сэрца, душу, напоўніў іх дабром, ласкай і спагадай да іншых. Так як святло дарыць дабро і ласку, так яно і праганяе цемру зла, нянавісці.
Няхай жа наш Збавіцель асвячае род людскі сваёй яснасцю, а мы адчынім свае сэрцы і прымем яго запаветы!
Хрыстос уваскрос! Сапраўды ўваскрос!
Марыя Хмялюк.
