Каталіцкія вернікі Талачына адзначылі дзень Святога Антонія Падуанскага (+фота)
13 чэрвеня каталіцкія вернікі адзначаюць дзень Святога Антонія Падуанскага, імя якога носіць Талачынскі касцёл. Стала традыцыяй, што менавіта ў гэты дзень штогод адбываецца ўрачыстае богаслужэнне.
Гэты год асаблівы для каталіцкай суполкі. Споўнілася 30 гадоў, як яна была зарэгістравана райвыканкамам. А 170 год таму быў пабудаваны касцёл.
На свята прыехалі ксяндзы з Оршы і Мінска (Уручча), а таксама каталіцкія вернікі з суседняга Крупскага раёна Мінскай вобласці.
Касцёл прыгожа ўбраны кветкамі, гукі аргана і песні ўзносіліся пад скляпенні стараннага касцёла, які занесены ў спіс гісторыка-культурных каштоўнасцей нашай краіны.
Пасля імшы адбылася працэсія вакол касцёла.
Марыя ХМЯЛЮК,
Фота Алесі КУЗЬМІЧ.
