Каталіцкія вернікі святкуюць Нараджэнне Езуса Хрыста
У гэтую святую ноч каталіцкія вернікі пасля вігілійнай вячэры прышлі ў касцёл, каб радасна і ўрачыста святкаваць Нараджэнне Езуса Хрыста.
Гучаў прыгожы калядны спеў. З замілаваннем людзі глядзелі на святое Немаўлятка Езуса, які нарадзіўся не ў багатым палацу, а ў хлеве, сярод жывёл. Бо ў людскіх сэрцах не знайшлося міласці і спагады да цяжарнай жанчыны.
Езус прыйшоў да нас як чалавек дзеля нас, каб суправаджаць на жыццёвым шляху і дапамагаць тым, хто верыць у Яго, патрабуе Яго прысутнасці ў жыцці.
Да Найсвяцейшай Панны Марыі і Езуса людзі нясуць свае думкі, пажаданні і просьбы. Каб былі мір сярод усіх людзей, згода ў сем’ях, каб сярод людзей панавала любоў і дабрыня. Усіх хрысціян яднае вера ў Хрыста.
Са святам Божага Нараджэння!
Марыя Хмялюк.
