“АЛІМПІЙСКІ ДЭСАНТ” ВЫСТУПІЎ ДАСТОЙНА
25 лютага ў Віцебску прайшоў абласны фестываль танцавальна-забаўляльных праграм “Пакаленне-2011″. Мэтамі яго правядзення з’яўляліся павышэнне выхаваўчага патэнцыялу танцавальна-забаўляльных праграм, развіццё творчых і арганізатарскіх здольнасцей вучняў, фарміраванне агульнай культуры правядзення вольнага часу падлеткамі і стварэнне ўмоў для іх сацыяльнай адаптацыі.
У складзе дванаццаці каманд з розных куткоў вобласці наш раён прадстаўлялі восем школьнікаў сярэдняй школы №3 з праграмай, прысвечанай алімпійскаму руху і спорту. Дзяўчынкі і хлопчыкі, аб’яднаныя ў каманду “Алімпійскі дэсант” пад кіраўніцтвам педагога-арганізатара К.І. Нікалаені, прадэманстравалі арыгінальны стыль вядзення праграмы, артыстычнасць, танцавальнае майстэрства. У выніку талачынцы занялі трэцяе месца. Першынство атрымалі вучні з Віцебска, на другім месцы — каманда з Чашнікаў.
Мы лучшие!!!