РЭКАНСТРУКЦЫЯ ФЕРМЫ

10 октября 2012 5:00

“НАВАСЕЛЛЯ” ЖЫВЁЛА ПАЧАКАЕ Ў СТАРЫМ ПАМЯШКАННІ

Да аршанскай будаўнічай брыгады, якая займаецца рэканструкцыяй фермы “Дабравольск” ААТ “Абольцы”, на мінулым тыдні далучыліся столінскія майстры. Яны ўзяліся за ўстаноўку паільнага абсталявання.

Работы на аб’екце па-ранейшаму вядуцца з паступовым, заўважным кожны дзень прагрэсам: ужо накрыты шыферам увесь дах, зманціраваны малакаправод, драўляныя элементы кароўніка прапітаныя супрацьпажарным растворам.

Устаноўлена халадзільнае абсталяванне ў малочным блоку.

Па стане на канец мінулага тыдня заставалася яшчэ зманціраваць сістэму гноевыдалення (транспарцёр), правесці ўнутраную аддзелку памяшканняў, уцяпліць (заканапаціць) рамы ў праёмах, якія будуць зацягвацца плёнкай, нацягнуць яе, паставіць дзверы… — словам, працы яшчэ даволі шмат, прыняць жывёлу ферма зможа не сёння і не заўтра. Затое калі ўсё будзе зроблена належным чынам, якасна і надзейна, то ўмовы працы людзей і ўтрымання жывёлы атрымаюцца адпаведныя — камфортныя і бяспечныя.

А пакуль што каровы былі пастаўленыя ў старое памяшканне. Свайго “наваселля” яны змогуць без лішніх праблем дачакацца і там, на ферме, на якой знаходзіліся ў папярэднія гады.

Нялёгка даецца гаспадарцы гэтая будоўля, многа выцягвае сродкаў. Да таго ж і ўвогуле часы для “Абольцаў” зараз не самыя лепшыя: недахоп кадраў, недахоп тэхнікі, вялікія, непасільныя для апрацоўкі з такім арсеналам плошчы зямлі. Але працэс ідзе — хоць дзесьці і з апошніх сіл, ды робіцца справа па ўсіх напрамках, на ўсіх участках работы. Нягледзячы ні на якія цяжкасці, заўсёды застаюцца людзі, якія не апусцяць рукі і будуць працаваць, пераадольваючы гэтыя цяжкасці, імкнучыся на новай, светлай паласы свайго жыцця.

С. АБРАМОВІЧ.

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники


Написать комментарий

Вы должны войти в систему, чтобы оставить комментарий.

ПОИСК ПО САЙТУ

Год мира и созидания

К 590-летию Толочина

Партизаны Толочинщины

Я военным быть хочу

Прямые линии

Ритуальные услуги

Поможем храму!

Наш календарь

Октябрь 2012
Пн Вт Ср Чт Пт Сб Вс
« Сен   Ноя »
1234567
891011121314
15161718192021
22232425262728
293031  

Архив новостей

Мы в Инстаграме

Мы в Facebook

Наши видео

Мы в Telegram