ГОД БЕРАЖЛІВАСЦІ
ВЕРШ МІХАІЛА ТАТАРАНОВІЧА “ГОД БЕРАЖЛІВАСЦІ”
У наш час надзвычай важна беражлівасць,
Ва ўсім ашчаднасць, гаспадарчы падыход,
Таму, улічваючы гэту асаблівасць,
Ім прысвячаецца ў нас бягучы год.
А гэта значыць, момант ёсць спрыяльны,
Каб разуменне ўсеагульнае прыйшло,
Як сэканоміць нам рэсурс матэрыяльны,
Энерганосьбіты, метал, ваду, цяпло…
Усё, што ў першую чаргу патрэбна людзям,
За што павінны мы рублём плаціць.
А што яшчэ мы берагчы, захоўваць будзем,
Якія ёсць каштоўнасці ў жыцці?
Бясспрэчна, трэба берагчы сваё здароўе,
Для шкодных звычак шанцу не даваць
І да прыроды ставіцца з любоўю,
Каб прыгажосць зямную захаваць.
Культуру, адукацыю, духоўнасць
Ахвярай прагматызму не зрабіць.
Нацыянальную прыкмету, памяркоўнасць
У палітычных спрэчках не згубіць.
Традыцыі і сувязь пакаленняў,
Жаданне ў бядзе дапамагчы.
Святло шчаслівых, радасных імгненняў
У архіве памяці навечна зберагчы.
Не знізіць абаронную гатоўнасць,
Прырост эканамічны не спыніць,
Каб незалежнасць, вечную каштоўнасць,
На грош падманны часам не змяніць.
Не страціць шчырую любоў, святую веру,
Надзею мець, спагаду заслужыць.
Старацца, каб усё было ў меру,
А зайздрасць не перашкаджала жыць.
У дадатак да ўсяго было б няблага,
Каб заставалася ў нашых землякоў
Да сваіх дзетак паўсядзённая ўвага,
А разам з тым павага да бацькоў…
Канешне, пералік гэты не поўны,
Шмат што яшчэ патрэбна берагчы,
А гэта проста той рэсурс духоўны,
Які дазволіць нам усё перамагчы.