Са збожжавымі справіўся выдатна. Цяпер – усе сілы на бульбу
Сустрэча з механізатарам кансервавага завода Генадзем Сабалеўскім была кароткаю: загрузіўшы поўную сеялку бульбы, ён спяшаўся зноў накіраваць свой трактар у бясконцыя барозны неабдымнага поля, каб не губляць ні хвіліны каштоўнага часу.
Павіншаваць перадавіка з чарговым працоўным дасягненнем прыехалі прадстаўнікі райкама прафсаюза работнікаў АПК і аддзела ідаэлогіі, культуры і па справах моладзі райвыканкама. Па стане на мінулую суботу Генадзь пасеяў 160 гектараў яравых і стаў лідарам сярод маладых механізатараў.
Сяўба зерневых працягваецца, але перад кансервавым заводам стаяць ужо іншыя задачы: больш за 600 гектараў зерневых і столькі ж рапсу пасеяна, а цяпер усе сілы кінутыя на бульбу. І Генадзь на гэтым этапе пасяўной гонкі працягвае рабіць свой дастойны ўклад у агульную справу ўсяго калектыву прадпрыемства.
С. АБРАМОВІЧ.
