Раённы фестываль “Паэтычны ветразь” прайшоў у Талачыне
Учора ў Цэнтры дзяцей і моладзі ў другі раз прайшоў фестываль “Паэтычны ветразь”. Ён быў прымеркаваны да юбілеяў класікаў беларускай літаратуры Аркадзя Куляшова, Паўлюка Труса, Міхася Лынькова, Васіля Быкава.
На фестывалі вучні школ раёна і горада дэкламавалі вершы, спявалі, чыталі прозу, па творах классікаў пісалі эсэ, сачыненні, рабілі малюнкі, складалі вершы. Найбольш удалыя ваканаўцы, чые нумары аказаліся самымі адметнымі, запамінальнымі на фоне ўсёй конкурснай праграмы, былі адзначаныя граматамі.
Паказалі добрае валоданне роднай мовай і занялі першыя месцы ў конкурсах Марыя Шнырко (гімназія), Аліна Сухаварава (Гаршчэўшчына), Сяргей Цімашкоў, Вікторыя Саўчанка, Анастасія Лындава, Марыя Сямёнава з коханаўскай школы, Анастасія Скокава (Абольцы), Ліза Станкевіч, Кацярына Гаўрыловіч, Канстанцін Акулёнак з СШ №2.
Ю. КАПРАНАВА.
Раённы фестываль “Паэтычны ветразь” прайшоў у Талачыне,