Будзе хімпраполка — будзе і намалот
Сяльчанам добра вядома, як ні прытрымлівайся прыёмаў вырошчвання сельскагаспадарчых культур, можна недабраць значную частку ўраджаю, калі не праведзена іх своечасовая і якасная хімічная апрацоўка.
Гэта добра ўяўляе сабе механізатар ААТ “Жукнева” Сяргей Мікалаевіч Дудкоў. З трыццаці год у сельскай гаспадарцы, раней працаваў у калгасе “Рассвет” да яго аб’яднання з цяперашнім прадпрыемствам, ён апошнія восем гадоў большай часткай займаецца хімічнай праполкай сельскагаспадарчых культур. Вось і на момант сустрэчы на трактары МТЗ-82 ужо гатоў быў выехаць на хімпраполку азімага рапсу.
— У полі з красавіка і па кастрычнік. Расліны трэба своечасова не толькі прапалоць, але і падкарміць. За год апрацоўваю па тры і болей тысячы гектараў, — удакладніў механізатар.
Марыя ХМЯЛЮК.