Вуліца Энгельса змяняе аблічча
Значны перыяд часу вадзіцелі наракалі на стан дарогі па вуліцы Энгельса, а пешаходы скардзіліся на няроўныя тратуары. Як гавораць, прыйшло свята і ў нашу хату.
У мінулым годзе было праведзена добраўпарадкаванне часткі вуліцы. Адначасова з рэканструкцыяй дарожнага палатна і ўладкаваннем тратуараў адбываўся рамонт водаправода. На ўсе віды работ было затрачана 3 мільярды 259 мільёнаў рублёў з раённага бюджэту. Змянілася транспартна-дарожная развязка скрыжаванняў і ўездаў у завулкі за лік іх пашырэння. Асабліва прыкметна пашырана скрыжаванне каля былой тэкстыльнай фабрыкі (пачатак дарогі на Плоскае). Гэта значна палепшыла бяспеку руху.
У гэтым годзе работы па рэканструкцыі вуліцы прадоўжыліся за лік сродкаў, якія паступілі ад дзяржаўнай пошліны за выдачу дазволаў на допуск транспартных сродкаў да ўдзелу ў дарожным руху. На рамонт дарогі і ўстаноўку тратуараў плануецца затраціць 1 мільярд 285 мільёнаў рублёў.
Алена СЕРАДА.
