Рамонт дарогі сваімі сіламі
Ні для каго не сакрэт, што некаторыя вясковыя дарогі ўяўляюць сабой непрыгляднае відовішча, асабліва падчас веснавой і восеньскай бездаражы. Мясцовыя жыхары абураюцца на мясцовую ўладу. Яно і зразумела, каму прыемна па гразі дабірацца да месца прыпынку аўталаўкі або за вадой. У сельвыканкамаў адказ адзін — не хапае сродкаў.
Вёска Палявая знаходзіцца ў чатырох кіламетрах ад прыпынку аўтобуса, да чыгункі дабрацца таксама далёка. У асноўным з горада едуць сюды на аўтамабілях. Дзеці і ўнукі мясцовых жыхароў вырашылі аб’яднацца і адрамантаваць адну з дарог сваімі сіламі. Добрай падмогай у гэтай справе стаў асабісты трактар Аляксандра Ліцвінкі, які прыязджае да цешчы з Мінска. Трэба адзначыць, мінчанін ніколі не адказвае ў дапамозе пажылым людзям.
У адны выхадныя прывезлі друз, праз тыдзень навазілі пяску. Раўняць дарогу дапамагалі і дзеці. Такая ініцыятыва можа стаць добрым прыкладам для жыхароў іншых вёсак.
Алена СЕРАДА.
Добры прыклад. Але… Можа і той гаспадарцы, ці гаспадару, які кіруе той гаспадаркай, трэба было б прыняць адпаведны ўдзел.