Мост, на якім можна паламаць ногі
Праходзячы над Друццю па вуліцы Энгельса ў Талачыне, трэба быць асцярожным, каб не пабіцца, спатыкнуўшыся, або не зляцець з пешаходнай дарожкі на праезную частку.
— Глядзіце, якія ямкі! Прыпарошыць іх снегам — людзі будуць падаць. Асабліва дзеці, яны ж не такія ўважлівыя і асцярожныя. Ідуць раніцаю ў школу, па тэлефонах размаўляюць ці паміж сабою дурэюць, так што да бяды адзін крок, — падзялілася на мінулым тыдні сваімі назіраннямі і абурэннем жыхарка Талачына Валянціна Макарава (на здымку).
Валянціна Ягораўна паведаміла, што накіроўваецца ў райвыканкам, каб падняць там гэтую праблему, а па дарозе зайшла ў рэдакцыю. Не пагадзіцца з яе назіраннямі і апасеннямі немагчыма, сапраўды, такія ямкі ўяўляюць небяспеку нават у цяперашнім сваім выглядзе, а калі яшчэ акажуцца пад лёгкім першым снегам, то верагоднасць непрыемных здарэнняў узрасце.
Відавочна, што з’явіліся ямкі не сёння і не ўчора, а значыць, камунальныя службы недаацанілі вастрыню праблемы, калі да гэтага часу яшчэ не прывялі пешаходную дарожку ў парадак.
Сяргей АБРАМОВІЧ.
Мост, на якім можна паламаць ногі,
НАШ ПУТЬ В СВЕТЛОЕ БУДУЩЕЕ. ВЕРНОЙ ДОРОГОЙ ИДЕТЕ, ДОРОГИЕ ТАВАРЫШЫ.
А уж на каблуках там вообще не пройдешь, хоть на поезжую часть прыгай.