Творчасць, якая дапамагае зразумець каштоўнасць
У гарадскім дзіцячым садзе №3 арганізавана выстава вырабаў з прыродных матэрыялаў.
Стваралі іх на працягу тыдня бацькі выхаванцаў установы. Зразумела, дапамагалі па меры магчымасці і самі дзеці. Хаця б проста схадзіць у парк разам з бацькамі і назбіраць лісця — гэта ўжо цікавы занятак, які дазволіць маленькаму чалавеку адчуць сябе ўдзельнікам творчага працэсу.
Размешчана выстава на другім паверсе такім чынам, што яе кожны дзень бачаць усе дзеці, ідучы на зарадку або музычныя заняткі. Лялькі, домікі, дрэвы, разнастайныя жывёлы, зробленыя з лісця, голля, яблыкаў, гарбузоў, шышак і іншых матэрыялаў, сваім выглядам не толькі здзіўляюць і забаўляюць дзяцей, але і фарміруюць у іх любоў да прыроды, дапамагаюць зразумець, што багаты і разнастайны свет жывёл і раслін — гэта каштоўнасць, якую трэба берагчы.
Сяргей АБРАМОВІЧ.