Дробныя бытавыя паслугі: попыт ёсць, чакаем прапаноў
Пару гадоў таму па просьбе адной адзінокай жанчыны на старонках газеты была паднята праблема аказання насельніцтву дробных бытавых паслуг накшталт замены замка ў дзвярах, свідравання дзіркі ў сцяне і г. д. Нічым дапамагчы грамадзянцы тады не атрымалася, падобныя работы афіцыйна ніхто не выконваў. І вось нядаўна ў рэдакцыю зноў паступіла тэлефанаванне:
— Я бачу на старонках газеты шмат рэкламы самых разнастайных паслуг, але не ведаю, да каго мне звярнуцца, каб павесілі карніз. Жыву адна, папрасіць мне няма каго. Што рабіць мне і такім, як я?
Сапраўды, сярод шматлікіх фірмаў, якія рэкламуюцца на старонках газеты, няма ніводнай, якая прапаноўвала б падобнага роду паслугі. Таму грамадзянцы застаецца хіба што патэлефанаваць наўздагад да таго, хто займаецца выкананнем работ, блізкіх па характары да сталярных, і паспрабаваць дамовіцца ў індывідуальным парадку. Напрыклад, у таго, хто рамантуе мэблю або манціруе падвясную столь, абавязкова знойдуцца дрыль, малаток і набор адвёртак, каб павесіць карніз.
У сваю чаргу прыватным фірмам і дзяржаўным арганізацыям накшталт камунгаса або прадпрыемства бытавога абслугоўвання мэтазгодна ўвесці падобныя работы ў пералік паслуг. Або, калі хтосьці іх ужо ўвёў, прарэкламаваць усімі даступнымі метадамі — праз СМІ, дошкі аб’яў, інфармацыйныя стэнды ва ўстановах і гандлёвых кропках. Нават калі попыт будзе невялікі, усё роўна лішні радок у спісе паслуг есці не просіць, а калі-небудзь нават і наадварот — прынясе прыбытак.
Сяргей АБРАМОВІЧ.
Дробныя бытавыя паслугі: попыт ёсць, чакаем прапаноў,
Строитель, могу с этим вопросом помочь. 80257340746.
Вот это я понимаю: и себе реклама, и людям помощь. Молодец!
Чаще всего у тех бабуль, которые живут одни, есть дети, внуки, а то и правнуки, которые вполне себе благополучно живут, забыв о том, что у бабушек тоже существую карнизы… Это ведь тоже проблема. Напишите и об этом, может, кто и пошевелится в помощи своим близким родственникам.