УП “Рыдамльскі”: рупліваму гаспадару ўсё спрыяе
На механізаваным двары УП “Рыдамльскі” быццам на парадзе выстраіліся збожжаўборачныя камбайны, пасяўныя агрэгаты, іншая сельскагаспадарчая тэхніка.
Пасля напружаных летніх і асенніх палявых работ наступіў адпачынак для тэхнікі, але не для людзей. Не паспееш азірнуцца, як прыйдзе пара сяўбы. Механізатары Яўген Караткевіч, Андрэй Рогаў, Яўген Магучы і Дзмітрый Дудараў (на здымку злева направа) займаюцца рамонтам тэхнікі. Дзмітрый Дудараў да арміі працаваў у гаспадарцы, сюды, у родныя мясціны, вярнуўся год таму. Яму ёсць чаму павучыцца ў сваіх старэйшых калег. Яўген Караткевіч робіць на прадпрыемстве ўжо трыццаць гадоў, болей за дваццаць — Яўген Магучы, каля сямнаццаці гадоў складае механізатарскі стаж Андрэя Рогава.
Ад іх руплівай і якаснай працы залежыць дабрабыт гаспадаркі. Таму і стараюцца сяльчане працаваць як мага лепш.
Марыя ХМЯЛЮК.
