Пара навесці парадак са зборам адходаў суб’ектаў гаспадарання
Нядаўна раённай экалагічнай інспекцыяй сумесна з пракуратурай раёна праведзены аб’езд месцаў збору камунальных адходаў каля жылых дамоў і на прадпрыемствах. Карціна паўстала несуцяшальная: перапоўненыя кантэйнеры, буйнагабарытнае смецце каля іх, паламаная агароджа каля кантэйнерных груп або ўвогуле яе адсутнасць…
— Яшчэ адна сур’ёзная праблема, — расказвае начальнік раённай экалагічнай інспекцыі Прадка В. П., — заключаецца ў тым, што не ўсе арганізацыі забяспечваюць абыходжанне з адходамі ва ўстаноўленым заканадаўствам парадку. Многія не маюць дагавораў з камунальнымі прадпрыемствамі і кантэйнераў для збору смецця, але кудысьці ж яны яго дзяюць. Можна меркаваць, што выкідваюць у кантэйнеры іншых арганізацый або несанкцыянавана вывозяць на палігоны. У раёне больш за 700 суб’ектаў гаспадарання, а дагаворы заключаны ў некалькіх дзясяткаў.
Тут даводзіцца канстатаваць наяўнасць прабелу ў заканадаўстве. Калі адносна жылога фонду ўсё зразумела, камунальная служба павінна ўстанавіць і абслугоўваць кантэйнеры, то наконт прадпрыемстваў няма канкрэтыкі, не агаворана, хто павінен забяспечыць іх кантэйнерамі. Але гэта не значыць, што ўсе могуць і надалей, прыкрываючыся гэтаю фармальнаю падставаю, бяздзейнічаць, дапускаючы тым самым парушэнні заканадаўства і прычыняючы шкоду навакольнаму асяроддзю.
Усе зацікаўленыя суб’екты, камунальныя службы са свайго боку, а прадпрыемствы і арганізацыі са свайго, павінны аператыўна зрабіць крокі да выпраўлення гэтай недапушчальнай сітуацыі, іначай усе яны могуць быць прыцягнуты да адказнасці ва ўстаноўленым заканадаўствам парадку.
Запісаў Сяргей АБРАМОВІЧ.
Пара навесці парадак са зборам адходаў суб'ектаў гаспадарання,
я согласна
Надо не гадить,тогда не придется убирать.