76 вучняў прынялі ўдзел у раённым конкурсе “Паэтычны ветразь”
У Цэнтры дзяцей і моладзі ў трэці раз праходзіў раённы конкурс “Паэтычны ветразь” сярод навучэнцаў устаноў адукацыі. Ён быў прысвечаны святкаванню 80-годдзя з дня нараджэння Рыгора Барадулiна, 110-годдзя — Петруся Броўкi, 90-годдзя — Iвана Навуменкi, 115-годдзя — Уладзiмiра Дубоўкi і 65-годдзя з дня нараджэння Аляксея Дударава.
У мерапрыемстве прынялі ўдзел 76 вучняў усіх устаноў адукацыі. Яны дэкламавалі вершы класікаў у намінацыі “Нам засталася спадчына”, спявалі песні на іх словы і выконвалі iнсцэнiроўкі ў намінацыі “І ў сэрцы нарадзіўся спеў…”, дэманстравалі вiдэафiльм да іх твораў у намінацыі “У вянок песнярам”, рыхтавалі сачыненні, эсэ, водгукі, уласныя вершы, прысвечаныя творчасці знакамітых землякоў у намінацыі “Час чытаць, захапляцца і спрачацца”.
Першыя месцы ў намінацыі “Нам засталася спадчына” атрымалі Марыус Рогалеў (гімназія), Марына Сяргеева (СШ №1), Вікторыя Рулько (Гаршчэўшчынская БШ), Мікалай Усцінаў (Слаўнаўская СШ), Кацярына Гаўрылава (СШ №2), Ангеліна Пятрэнка (Славенская СШ).
У намінацыі “І ў сэрцы нарадзіўся спеў” лепшымі былі Марыя Шнырко (гімназія), Таццяна Жураўлёва (СШ №2), Кірыл Клімянкоў, Уладзіслаў Пушко, Мікіта Кісялёў (СШ №2).
У намінацыі “У вянок песнярам” першае месца прысуждана відэафільму вучаніц Коханаўскай СШ Настассі Лындавай, Хрысціны Хацкевіч, Яны Гудзелевай.
Пераможцамі конкурсу ў намінацыі “Час чытаць, захапляцца і спрачацца” сталі Ксенія Стасевіч і Настасся Лындава (Коханаўская СШ), Вольга Карабіцкая (Забалацкая СШ).
Пераможцы, якія атрымалі першыя тры месцы, узнагароджаны граматамі аддзела адукацыі, спорту і турызму.
Юлія КАПРАНАВА.
