“Дажынкі-2015″: да абласнога свята рыхтуемся ўсёй вобласцю
Адна з актуальных задач у рамках падрыхтоўкі да святкавання “Дажынак” — прывядзенне ў парадак жылога фонду. Шматкватэрныя дамы месцамі займаюць асноўную плошчу гарадскога ландшафту, таму многія з іх да прыезду гасцей з усёй вобласці неабходна абнавіць, каб надаць гораду больш свежы і ўтульны выгляд.
Зразумела, што пры гэтым абысціся толькі знешнім, касметычным рамонтам у некаторых выпадках немагчыма: калі рабіць, то ўжо не на адзін дзень, а на доўгія гады.
— На капітальны рамонт жыллёвага фонду з абласнога бюджэту выдзелена 39,9 мільярда рублёў, на бягучы рамонт — 7,8 мільярда, — расказаў намеснік старшыні райвыканкама Арэх І. В. — Пералік аб’ектаў, якія падлягаюць рамонту, і аб’ёмы работ на кожным з іх вызначаны пасля даследавання іх тэхнічнага стану і з улікам аналізу зваротаў грамадзян па праблемных пытаннях (працяканне даху, холад у кватэры і г. д.). Адпаведна работы цяпер праводзяцца самыя разнастайныя: замена або рамонт даху, уцяпленне і тынкаванне сцен, давядзенне паддашкавых перакрыццяў да нарматыўнага супраціўлення цеплаперадачы, рамонт сістэмы ацяплення і гарачага водазабеспячэння і шматлікія іншыя мерапрыемствы.
Працуюць на аб’ектах падрадчыкі з усёй вобласці, сярод якіх, напрыклад, “Віцебскаблсельбуд”, “Орша-камунгас”, “Міёрскі рамонтнік”, “Дуброўна-ЖКГ”, “Бароўка-ЖКГ” (Лепельскі раён), Першамайскі ЖРЭТ Віцебска і іншыя прадпрыемствы. Дзякуючы іх працы набудуць новы выгляд дамы на вуліцах Леніна (№№16, 18, 20, 22, 22А, 45, 52, 97), Лузгіна (№№2, 4, 6, 8), Супруна (№№13, 15, 19) і многія іншыя.
Завяршыць работы, па словах Ігара Віктаравіча, плануецца ў канцы ліпеня — першай палове жніўня.
Сяргей АБРАМОВІЧ.
Хотелось бы сказать большое спасибо всем людям, кто трудится на благоустройстве нашего города и готовит его к “Дожинкам”! Но в то же время, огромная просьба к журналистам газеты пройти маршрутом по новым тротуарам от ресторана к больнице ( конечно, в идеале этим маршрутом следовало бы пройти чиновникам). Тротуар положен из ряда вон плохо! Не прошло и месяца, а он уже весь в следах и отметинах от обуви и машинных шин, неровный (особенно у Госстраха и Детского сада). Если это окончательная работа, то как же такой объект был сдан и принят. Понятно, что стало в миллион раз лучше чем было, но ведь и положили его не на год и не на два. Если тратить деньги и проводить работу, так, может, нужно делать ее качественно, иначе какой в этом смысл!
А с остальными что будет?
Снесут к…
Гледзячы як працуюць на доме,які на фота,хочацца плакаць.