Папоўнілі рады тысячнікаў
Старшы камбайнер Уладзімір Яўгенавіч Сімакоў — ветэран сярод механізатараў у сельгаспрадпрыемстве “Надзёжына”. Нялёгкая праца хлебароба знаёмая яму з маладых гадоў.
Сёлетняя ўборка, лічыць ён, праходзіць арганізавана. У спякоту ў полі цяжка, але радуе добры ўраджай. Разам з памочнікам Захарам Збуржынскім яны перасягнулі тысячны рубеж у канцы мінулага тыдня. Падчас канікулаў малады хлопец вырашыў прыйсці на дапамогу ва ўборцы ўраджаю. Калі вучыўся ў школе, таксама летам рабіў у сельгаспрадпрыемстве.
Механізатараў павіншавалі з дасягненнем высокіх паказчыкаў на ўборцы збожжа, уручылі падарункі старшыня прафсаюза работнікаў АПК Таццяна Пільшчыкава і старшыня прафкама ААТ “Надзёжына” Галіна Быкава.
Алена СЕРАДА.
Папоўнілі рады тысячнікаў,