Жыхароў горада парадуе фантан
Цяпер у цёплую пару года гарадскі сквер у Талачыне будзе ўпрыгожваць фантан. Мантаж яго сантэхнічнай часткі правялі на гэтым тыдні спецыялісты мінскай фірмы «Белэлитимпэкс». Яны, дарэчы, выконвалі аналагічныя работы і ў мінулым годзе ў Гарадку.
Басейн фантана мае круглую форму (на здымку), для пампавання вады ўстаноўлены 4 помпы, распыленне будзе ажыццяўляцца праз некалькі дзясяткаў труб. У канструкцыю фантана ўваходзіць і падсветка.
Як растлумачылі прадстаўнікі «Белэлитимпэкса», кіраваць работаю фантана будзе аўтаматыка (пульт кіравання ўстаноўлены каля агароджы сквера), а для асблугоўвання ўсёй гэтай складанай сістэмы (пуска-наладачныя работы, ачыстка, кансервацыя на зіму і г.д.) будуць праінструктаваны мясцовыя спецыялісты.
Уладзімір МІХАЙЛАЎ.
Жыхароў горада парадуе фантан,