Любімым мамам прысвячаецца: у школах і дашкольных установах прайшлі ранішнікі
У першыя вясновыя дні ва ўсіх школах і дашкольных установах рэспублікі прайшлі ранішнікі, прысвечаныя самаму прыгожаму святу года — Міжнароднаму жаночаму дню 8 Сакавіка. Па-святочнаму апранутыя хлопчыкі і дзяўчынкі другой малодшай групы Славенскага дзіцячага яслі-сада павіншавалі сваіх матуль і бабуль, уручылі ім адкрыткі, вырабленыя сваімі рукамі пад кіраўніцтвам выхавальнікаў Наталлі Валер’еўны Губар і Іны Іванаўны Давыдавай.
Не маглі стрымаць слёз маці і бабулі, калі дзеці чыталі прысвечаныя ім вершы. Пад акампанемент музычнага кіраўніка Алены Анатольеўны Малашкевіч выхаванцы спявалі і танцавалі. Для матуль і іх дзяцей былі праведзены шматлікія цікавыя конкурсы. Асабліва спадабалася дзецям прыбіраць сваіх мам пры дапамамозе капелюша і караляў, а таксама збіраць для бабулі клубочкі. Святочны настрой таксама стварыла па-веснавому прыгожа і ярка аформленая актавая зала.
Алена СЕРАДА.
Любімым мамам прысвячаецца: у школах і дашкольных установах прайшлі ранішнікі,