Увекавечаныя ўражанні з падарожжаў: у Талачыне адкрылася фотавыстава Дзмітрыя Іўчанкі
На мінулым тыдні ў Талачынскім гісторыка-краязнаўчым музеі адкрылася персанальная фотавыстава кіраўніка народнай кінастудыі “Летапіс” раённага Цэнтра культуры Дзмітрыя Іўчанкі. Тэма прадстаўленых на ёй работ — падарожжы, родныя і экзатычныя пейзажы, адпаведная і назва — “В пути…”.
Сюжэты большасці здымкаў звязаны з прыродаю, аб’ектыў майстра ўвекавечыў краявіды Беларусі, Каўказа, Крыма і іншых мясцін, у якіх яму даводзілася бываць. “У скал Белого моря”, “Пешком по полярному Уралу”, “На берегу белорусского озера” — назвы работ яскрава характарызуюць і тэматыку выставы, і геаграфію падарожжаў яе аўтара.
Адкрываючы выставу, дырэктар музея Ірына Пікулік між іншым адзначыла, што параўнанне асаблівасцей беларускай прыроды з прыродаю іншых краін на аснове гэтых здымкаў можа стаць адным з этапаў экскурсій па музеі. А сам Дзмітрый Іўчанка падзяліўся ўспамінамі з некаторых паездак, расказаў, як яму ўдаецца здзяйсняць іх (фінансавыя, арганізацыйныя пытанні і г. д.), як да яго захаплення ставяцца родныя.
Выступілі і некаторыя з першых наведвальнікаў выставы — са словамі ўдзячнасці за цікавыя, пазнавальныя фотасюжэты і прыемныя ўражанні.
Сяргей АБРАМОВІЧ.
Увекавечаныя ўражанні з падарожжаў: у Талачыне адкрылася фотавыстава Дзмітрыя Іўчанкі,
Дима, ты молодец! Поздравляю с выставкой! Очень хорошие фотографии. Удачи в дальнейшем творчестве!