У Талачынскім раёне пачаўся тэхнічны агляд збожжаўборачных камбайнаў
Першымі ў раёне прадставілі збожжаўборачныя камбайны для тэхагляду механізатары кансервавага завода. 11 ліпеня прадпрыемства наведалі начальнік дзяржтэхагляду райсельгасхарча Талкачоў А. Л. і начальнік аддзялення ДАІ РАУС Новікаў Д. М., каб праверыць тэхнічны стан камбайнаў, укамплектаванасць іх неабходнымі прыладамі і сродкамі (вогнетушыцель, лапата, аптэчка і інш.), нагадаць механізатарам аб неабходнасці выконваць правілы бяспекі пры перагоне тэхнікі і выкананні работ.
— У цэлым у гаспадарках раёна налічваецца 128 камбайнаў, у сёлетняй уборачнай будуць задзейнічаны дзесьці 110 адзінак, — паведаміў Аляксей Талкачоў. — Стан тэхнікі кансервавага завода, які мы праверылі першым, паказвае, што інжынерная служба і механізатары аднесліся да сваіх абавязкаў з належнай адказнасцю і ўвагай. Спадзяюся ўбачыць аналагічную сітуацыю і на іншых прадпрыемствах раёна.
Сяргей АБРАМОВІЧ.
Со стартом Вас,комбайнеры. Здоровья, сил и хорошей погоды.
А сколько га предстоит убрать этими комбайнами?
Около 10000га.