Убраць збожжавыя ў Талачынскім раёне плануецца за 28 дзён
Адным з пытанняў, разгледжаных 25 ліпеня на чарговым пасяджэнні райвыканкама, была падрыхтоўка да ўборачнай кампаніі і сяўбы азімых. Як паведаміла намеснік начальніка райсельгасхарча Красоўская А. Л., з улікам колькасці камбайнаў, якія з дня на дзень выйдуць у поле, правесці ўборку збожжавых можна на працягу 28 дзён. Бульбу можна выкапаць за 52 дні.
Дзяржзаказ па збожжы для сельгаспрадпрыемстваў раёна сёлета складае 11300 тон, з іх 6500 тон харчовай пшаніцы, 4500 тон жыта, 300 тон ячменю. Убраць неабходна 26954 гектары збожжавых, 4019 крыжакветных, 800 ільну, 901 бульбы.
Старшыня райвыканкама Ягораў С. В. засяродзіў увагу на неабходнасці строгага выканання тэхналагічных патрабаванняў пры падрыхтоўцы да сяўбы азімых (выкананне тэрмінаў правядзення работ, улік культур-папярэднікаў і г. д.), бо несур’ёзна ставячыся да тэхналогій сёння, сельгаспрадпрыемствы губяць ураджай наступнага года.
Сяргей АБРАМОВІЧ.
Хороший у вас план (затягиваясь), тов. Красовская