Творчая моладзь Талачынскага раёна “губляецца” на прадпрыемствах і не раскрывае свой патэнцыял
У ходзе абмеркавання пытання аб рабоце па выхаванні патрыятызму і прафілактыцы супрацьпраўных паводзін, якая праводзіцца ўстановамі адукацыі і культуры, на чарговым пасяджэнні райвыканкама 25 ліпеня намеснік старшыні райвыканкама Галубкова І. С. выказала заўвагу аб тым, што работнікамі сферы культуры недастаткова актыўна вядзецца работа па пошуку і прыцягненні да творчага жыцця таленавітай моладзі.
Паводле яе слоў, якія падтрымаў і старшыня райвыканкама Ягораў С. В., у нас вельмі шмат здольных, творчых і лёгкіх на пад’ём маладых людзей, але яны проста “губляюцца” на прадпрыемствах, застаюцца незаўважанымі і не раскрываюць свой патэнцыял, з-за чаго ў выніку і культурнае жыццё раёна выглядае не такім насычаным і разнастайным, якім магло б быць.
Сяргей АБРАМОВІЧ.