Выпас жывёлы — адказная справа
На летнім выпасе на ферме “Навінка” знаходзіцца 204 каровы. На даны момант у сярэднім на адну карову тут надойваюць 10-11 кілаграмаў малака.
Даглядаюць статак чатыры пастухі. У адной змене Пётр Іванавіч Паўленка і Міхаіл Пятровіч Гайдук (на здымку), у другой — Міхаіл Яўгенавіч Пашкевіч і Алег Анатольевіч Маханькоў.
Працуюць яны па сутках, нясуць поўную адказнасць за выпас кароў, пераганяюць статак, сочаць за работай электрапастуха, наяўнасцю вады для жывёлы. Вопытнае вока пастуха павінна беспамылкова вызначыць стан каровы і, калі спатрэбіцца, выклікаць ветурача для аказання дапамогі жывёліне.
