Дыктоўкай адзначылi Дзень роднай мовы вучнi СШ №1 Талачына

Дзень роднай мовы асаблівае свята для кожнай нацыі, бо без мовы няма народа.

Навучэнцы сярэдняй школы №1 г. Талачына далучыліся да святкавання Дня роднай мовы, які адзначаецца штогод 21 лютага. Ініцыятыўная група вучняў 8 — 11 класаў пісалі дыктоўку разам са студэнтамі Беларускага дзяржаўнага педагагічнага ўніверсітэта імя М.Танка ў рэжыме анлайн.

Прапанаваны тэкст быў прысвечаны творчасці беларускіх пісьменнікаў-юбіляраў Янкі Купалы, Якуба Коласа, Максіма Танка. Кожны вучань атрымаў магчымасць праверыць свае веды беларускай арфаграфіі і пунктуацыі.

Тым самым ва ўстанове адукацыi дадзены пачатак мерапрыемствам тэматычнага тыдня.

Крысцiна ВАРАНОВIЧ,
намеснiк дырэктара па выхаваўчай рабоце СШ №1 г. Талачына.